Einn lést og lögreglumaður særðist í skotárás á iðnaðarsvæði í Álaborg

Lögregla í dönsku borg­inni Álaborg hvatti almenn­ing í dag til að halda sig fjarri iðn­að­ar­svæði í Nørresundby-hverfi vegna skotárásar sem þar átti sér stað.

Samkvæmt danska miðl­inum Ekstra Bladet heyrð­ust mörg skot­hljóð á svæð­inu og svartur reykur steig til lofts. Fjöl­mennt lið þung­vopn­aðra lög­reglu­manna, slökkvi­liðs og sjúkra­flutn­inga­manna var sent á vett­vang.

Lög­reglan í Norður-Jótlandi sagði síðar að til­kynn­ing hefði fyrst borist um eld í iðn­að­ar­hverf­inu skömmu fyrir klukkan tvö síð­degis. Þegar fyrstu lög­reglu­menn­irnir komu á vett­vang var skotið á þá og þeir svör­uðu skot­hríð­inni.

Grunaður árás­armaður varð fyrir skotum og er sagður alvar­lega slas­aður.

Einn lög­reglu­maður var einnig skot­inn en ástand hans er sagt stöðugt.

Þriðji ein­stak­ling­ur­inn, sem lög­regla segir hafa verið óbreyttan borg­ara, varð einnig fyrir skoti. Um klukkan fjögur síð­degis stað­festi lög­regla að við­kom­andi hefði lát­ist af sárum sínum.

„Við getum ekki tjáð okkur frekar um atvik máls­ins að svo stöddu,“ sagði Søren Pejt­er­sen, tals­maður lög­regl­unnar í Norður-Jótlandi, í til­kynn­ingu.

Lög­reglan hefur hvatt almenn­ing til að halda sig fjarri svæð­inu á meðan rann­sókn stendur yfir og segir búast megi við að umfangs­mikil vett­vangs­vinna muni standa yfir um nokk­urt skeið.