Segja Nýja Landspítalann tilbúinn árið 2029

Upp­bygg­ing Land­spít­ala er ein umfangs­mesta inn­viða­fram­kvæmd sem ráð­ist hefur verið í hér á landi og er gert ráð fyrir að fram­kvæmdum tengdum verk­efn­inu ljúki fyrir árið 2031. Þetta kemur fram í til­kynn­ingu stjórn­valda.

Heild­ar­fjár­fest­ingin dreif­ist yfir tíma­bilið frá árinu 2010 til 2031 og er hún full­fjár­mögnuð sam­kvæmt gild­andi fjár­mála­á­ætlun Alþingis.

Stjórn Nýs Land­spít­ala ohf. (NLSH) og stýri­hópur um skipu­lag fram­kvæmda við Land­spít­ala og önnur sér­hæfð sjúkra­hús hafa kynnt heil­brigð­is­ráð­herra og fjár­mála- og efna­hags­ráð­herra upp­færða heild­ar­á­ætlun fram­kvæmda.

Mikil upp­bygg­ing hefur þegar átt sér stað við Hring­braut. Allri ytri vinnu við nýjan með­ferð­ar­kjarna er lokið og inn­an­húss­fram­kvæmdir hafa staðið yfir á annað ár. Gert er ráð fyrir að bygg­inga­fram­kvæmdum við með­ferð­ar­kjarn­ann ljúki að mestu í árs­lok 2029. Í kjöl­farið tekur við yfir­færslu­tíma­bil áður en starf­semi hefst með nýjum tækja­kosti og bún­aði.

Hring­braut­ar­verk­efnið nær meðal ann­ars til með­ferð­ar­kjarna, rann­sókna­húss, bíla­stæða- og tækni­húss og bíla­kjall­ara.

Samhliða stendur yfir upp­bygg­ing ann­arra sjúkra­hús­bygg­inga. Fram­kvæmdum við Grensás á að ljúka í byrjun árs 2027 og nýbygg­ingu við Sjúkra­húsið á Akureyri árið 2031. Þá á stækkun mats­deildar bráða­mót­töku í Fossvogi að vera lokið fyrir haustið 2026.