Þyrla gæslunnar flutti fjóra til Reykjavíkur eftir alvarlegt slys á Hringveginum

Sex manns voru fluttir á sjúkra­hús, þar af tveir alvar­lega slas­aðir, eftir harðan þriggja bíla árekstur á Suð­ur­lands­vegi, austan Sól­heima­jök­ulsvegar, á sjö­unda tím­anum í kvöld.

Mikill við­bún­aður var á vett­vangi og var Hring­veg­inum lokað í nokkrar klukku­stundir vegna björg­un­ar­starfs og rann­sóknar.

Íris Edda Heim­is­dóttir, aðal­varð­stjóri Lög­regl­unnar á Suð­ur­landi, stað­festi atvikið í sam­tali við RÚV. Við­bragðs­að­ilar voru fljótir á vett­vang, en auk lög­reglu voru þrír sjúkra­bílar, dælu­bíll og þyrla Land­helg­is­gæsl­unnar kölluð út til aðstoðar.

Samkvæmt upp­lýs­ingum frá sjón­ar­votti á staðnum gekk björg­un­ar­starf erf­ið­lega og beita þurfti klippum til þess að ná einum hinna slös­uðu út úr flraki bif­reið­ar­innar.

Þyrla Land­helg­is­gæsl­unnar flutti fjóra ein­stak­linga til aðhlynn­ingar á Land­spít­al­ann í Reykja­vík, þar á meðal þá tvo sem eru alvar­lega slas­aðir. Hinir tveir sem slös­uð­ust voru fluttir með sjúkra­bíl á Heil­brigð­is­stofnun Suð­ur­lands á Selfossi.

Rann­sókn­ar­deild lög­regl­unnar mætti á vett­vang skömmu eftir slysið til að rann­saka til­drög þess. Vegna þessa var Hring­veg­inum lokað í báðar áttir á meðan vinnu á vett­vangi stóð, sem skap­aði nokkrar tafir á umferð. Búið var að opna veg­inn að nýju um mið­næt­ur­bil þegar vett­vangs­ferð lauk.