Brotin klósettseta varð að kærumáli

Kæru­nefnd húsa­mála hefur úrskurðað að kona sem leigði íbúð af ónefndu fyr­ir­tæki skuli greiða 250.000 krónur í leigu­bætur vegna ágúst­mán­aðar 2025. Jafn­framt var kröfu fyr­ir­tæk­is­ins um rúm­lega 230.000 króna skaða­bætur hafnað.

Málinu lauk með úrskurði kæru­nefndar 24. sept­em­ber 2026. Hvorki konan né fyr­ir­tækið sem leigði henni íbúð­ina eru nafn­greind í úrskurð­inum.

Konan hafði gert tíma­bund­inn leigu­samn­ing um íbúð­ina frá 15. nóv­em­ber 2024 til 30. nóv­em­ber 2025. Hún óskaði hins vegar eftir því að losna fyrr undan samn­ingnum og flutti úr íbúð­inni 5. ágúst 2025.

Fyr­ir­tækið hélt því fram að sam­komu­lag hefði náðst um að konan gæti lokið leig­unni 31. ágúst gegn greiðslu leigu fyrir þann mánuð. Konan taldi hins vegar að sam­komu­lagið hefði verið á þann veg að hún gæti flutt út eins fljótt og auðið væri.

Kæru­nefndin taldi kon­unni ekki hafa tek­ist að sanna þá máls­á­stæðu og var henni því gert að greiða 250.000 krónur í leigu­bætur.

Fyr­ir­tækið krafð­ist einnig 221.040 króna vegna máln­ing­ar­vinnu og efnis og 10.395 króna vegna skemmdrar sal­ern­is­setu.

Þeim kröfum hafn­aði nefndin. Ekki lá fyrir sam­eig­in­leg ástandsút­tekt frá upp­hafi eða lokum leigu­tím­ans og taldi nefndin fyr­ir­tækið ekki hafa sýnt fram á að ástand veggja hefði versnað umfram eðli­legt slit. Þá hefði heldur ekki verið sannað að skemmdir á sal­ern­is­setu mætti rekja til van­rækslu eða óvar­legrar umgengni kon­unnar.

Auður Björg Jóns­dóttir, Þor­valdur Hauksson og Eyþór Rafn Þór­halls­son skip­uðu kæru­nefnd­ina í mál­inu.