Flugfarþegi tók málin í eigin hendur og stal dráttarbíl

Farþegi Delta Air Lines var hand­tek­inn á John Wayne flug­vell­inum í Santa Ana í Kali­forníu á þriðju­dag eftir að hann komst inn á lokað flug­vall­ar­svæði, stal drátt­ar­bíl og ók honum á annað öku­tæki.

Atvikið átti sér stað um klukkan 17:30 að stað­ar­tíma. Samkvæmt upp­lýs­ingum frá flug­vell­inum komst far­þeg­inn inn á flug­vall­ar­svæðið við hlið 12 og tók þar drátt­ar­bíl í eigu Alaska Airlines. Hann ók bílnum um svæðið en lenti síðan í árekstri við annað öku­tæki nærri hliði 7.

Þar með lauk upp­á­kom­unni þó ekki. Maðurinn er sagður hafa reynt að kom­ast yfir kló­sett­bíl American Airlines eftir árekst­ur­inn. Lög­reglu­menn flug­vall­ar­ins náðu hins vegar að stöðva hann og hand­taka.

Maðurinn hafði átt bókað flug með Delta frá Orange County til Seattle. Eftir hand­tök­una var hann fluttur á sjúkra­hús til skoð­unar.

Svæðinu við hlið 7 var lokað í um tíu mín­útur á meðan yfir­völd brugð­ust við. Flug­um­ferð var jafn­framt stöðvuð tíma­bundið.

Í fjar­skiptum flug­um­ferð­ar­stjóra og flug­manna mátti heyra flug­um­ferð­ar­stjóra greina frá því að ein­hver hefði stolið drátt­ar­bíl og að örygg­is­brot hefði átt sér stað á flug­vell­inum. Þótt þar hafi verið rætt um stöðvun flug­um­ferðar var engin form­leg stöðvun gefin út.