Farþegi lét öllum illum látum í tíu tíma flugi

Þrjátíu og þriggja ára karl­maður var hand­tek­inn eftir að far­þega­þota Luft­hansa lenti í Frank­furt í Þýska­landi á mánu­dag. Maðurinn er sagður hafa sýnt af sér árás­ar­gjarna hegðun um borð og ítrekað hrist hurð flug­vél­ar­innar þrátt fyrir fyr­ir­mæli áhafnar um að hætta.

Atvikið átti sér stað um borð í flugi Luft­hansa frá Bogotá í Kólumbíu til Frank­furt. Samkvæmt lög­regl­unni í Frank­furt vakti mað­ur­inn athygli áhafnar vegna hegð­unar sinnar á meðan vélin var á flugi.

Maðurinn er sagður hafa staðið upp úr sæti sínu og farið að hrista hurð flug­vél­ar­innar ítrekað. Áhöfnin skip­aði honum að láta af hátt­sem­inni en hann mun hafa hunsað þau fyr­ir­mæli.

Að lokum gripu áhafn­ar­með­limir inn í ásamt tveimur far­þegum og tókst þeim að stöðva mann­inn. Atvikið varð ekki til þess að breyta þyrfti flug­á­ætlun og hélt vélin áfram til Frank­furt.

Lögregla beið manns­ins þegar vélin lenti og hand­tók hann. Vegna ástands hans var hann í kjöl­farið fluttur á geð­deild sjúkra­húss.

Þýsk yfir­völd hafa hafið saka­mála­rann­sókn vegna máls­ins. Brot af þessu tagi getur sam­kvæmt þýskum hegn­ing­ar­lögum varðað fang­elsi frá sex mán­uðum og allt að tíu árum.

Tals­maður Luft­hansa stað­festi atvikið við þýska fjöl­mið­il­inn RTL og sagði áhöfn­ina þegar í stað hafa gripið til nauð­syn­legra ráð­staf­ana svo flugið gæti haldið áfram sam­kvæmt áætlun.