Selena Gomez segir nikótínveip hafa breytt rödd sinni til frambúðar

Selena Gomez, leik- og söng­kona, sem og stofn­andi snyrti­vöru­merk­is­ins Rare Beauty, hefur greint frá erf­iðri bar­áttu sinni við nikótín­veip og segir að langvar­andi notkun þess hafi breytt rödd hennar til fram­búðar.

„Ég mun ekki geta breytt rödd­inni minni,“ sagði Gomez í mynd­skeiði sem hún birti á Instagram-sögu sinni 18. októ­ber. „Ég veip­aði nikó­tíni mjög mikið og ég vil að allir viti að þetta er að ein­hverju leyti afleið­ingin.“

„Það er svo erfitt að hætta nikó­tíni,“ hélt hún áfram. „Ég held að mig hafi bara langað til að segja að ef þú ert að ganga í gegnum þetta, eða ert jafn­vel að hugsa um að byrja að veipa, þá er það ein­fald­lega ekki þess virði. Þetta er svo heimsku­legt.“

Gomez bætti við að neyslan hefði breytt rödd hennar.

„Ef ykkur líkar ekki að hlusta á rödd­ina mína er það full­kom­lega skilj­an­legt. Mér er alveg sama. Hlustið þá bara ekki á hana,“ sagði hún.

Söng­konan, sem er meðal ann­ars þekkt fyrir lagið Good for You, greindi þó frá því að henni hefði tek­ist að hætta.

„Ég er mjög ánægð því ég er hætt og vona bara að mér tak­ist að halda því áfram. Þetta er virki­lega erfitt,“ sagði hún.

Vill hvetja aðra til að hætta

Gomez, sem leikur í þátta­röð­inni Only Murders in the Building, lauk mynd­skeið­inu með hvatn­ing­ar­orðum til þeirra sem eiga í svip­uðum erf­ið­leikum.

„Ég veit að ef þú ert að ganga í gegnum eitt­hvað svona get­urðu líka kom­ist í gegnum það. Þetta er ömur­legt,“ sagði hún.

Þetta er ekki í fyrsta sinn sem Gomez ræðir breyt­ingar á rödd sinni. Í des­em­ber 2025 svar­aði hún áhyggjum aðdá­enda í beinni útsend­ingu á Instagram og benti þá á að lyf sem hún tekur við rauðum úlfum og geð­hvarfa­sýki gætu haft áhrif á rödd­ina.

„Ég hef fengið þessa spurn­ingu nokkrum sinnum. Stundum þegar ég tek ... nei, gleymið því, það er engin afsökun,“ sagði hún. „Mér er í raun alveg sama. Ég held að aðal­at­riðið sé að hlutir bara ger­ast.“

Hún bætti við að háls­inn á sér bólgn­aði stundum að innan.

„Það er allt og sumt,“ sagði hún.

Gomez sagð­ist þó þakk­lát aðdá­endum sínum fyrir að hafa vakið máls á breyt­ing­unum.

„Ég er ánægð með að þið séuð hrein­skilin við mig í beinni útsend­ingu. Ég kann að meta það,“ sagði hún.

Fagnar því að eldast

Þrátt fyrir að rödd hennar kunni að hafa breyst til fram­búðar seg­ist Gomez taka öðrum breyt­ingum sem fylgja aldr­inum fagn­andi.

Í við­tali við tíma­ritið People, sem birt­ist 16. sept­em­ber, sagði hún að henni þætti gaman að eld­ast.

„Mér finnst það ekki slæmt. Það hefur verið mjög skemmti­legt að eld­ast. Ég er alls ekki hrædd. Mér finnst gaman að eld­ast. Hlut­irnir munu breyt­ast og lík­am­inn mun síga, en maður er á lífi. Ég held að aldur sé að mörgu leyti bara tala,“ sagði hún.