Að minnsta kosti 58 manns drepnir í árás vopnaðra manna á þorp í Nígeríu

Tala lát­inna í árás vopn­aðra manna á þorp í aust­ur­hluta Nígeríu á föstu­dag er komin upp í 58, að sögn eft­ir­lif­enda sem ræddu við AFP-frétta­stof­una í gær. Fleiri lík fund­ust eftir árás­ina.

Vopnaðir menn, sem taldir eru til­heyra glæpa­gengi sem heima­menn kalla „ræn­ingja“, komu á mót­or­hjólum á föstu­dag og réð­ust inn í þorpið Binnari í norð­aust­ur­hluta Taraba-hér­aðs. Þeir drápu fjölda fólks og rændu versl­anir.

Langvar­andi upp­reisn jihadista hefur geisað í norð­aust­ur­hluta Nígeríu. Í Taraba-hér­aði, austar í land­inu, hafa íbúar einnig þurft að þola árásir glæpa­gengja sem sækj­ast eftir fjár­hags­legum ávinn­ingi fremur en að berj­ast fyrir ákveð­inni hug­mynda­fræði.

„Á föstu­dag fundum við sjö lík eftir að ræn­ingj­arnir réð­ust á sam­fé­lagið okkar. Daginn eftir, á laug­ar­dag, fundum við 43 lík til við­bótar í ánni. Þannig er tala lát­inna komin upp í 50,“ sagði Bashir Mamuda Musa, íbúi í Binnari.

Á laug­ar­dag höfðu eft­ir­lif­endur talið að 20 manns hefðu látið lífið. Annar íbúi, Abdullahi Zakari, stað­festi að tala lát­inna væri nú talin vera 50. Erfitt getur verið að finna lík eftir slíkar árásir, þar sem íbúar dreifast í allar áttir til að forð­ast hætt­una. Nú hafa hins vegar átta til við­bótar fund­ist látnir.

„Margir íbúar, einkum konur og börn, flúðu í átt að ánni til að kom­ast undan byssu­mönn­unum. Því miður drukkn­uðu nokkrir þegar þeir reyndu að flýja árás­ina,“ sagði Zakari við AFP.

Glæpagengi ógna íbúum dreifbýlis

Vopnuð glæp­a­starf­semi er vax­andi vanda­mál í Nígeríu, einkum í norð­vestur- og mið­hluta lands­ins. Þar berj­ast öflug glæpa­gengi við lög­reglu og her sem hafa tak­mark­aða getu til að tryggja öryggi í afskekktum sveitum.

Gengin ráð­ast á þorp og leggja skatta á bændur og námu­rekstur á svæðum þar sem nær­vera stjórn­valda er lítil.

Amnesty International í Nígeríu gagn­rýndi stjórn­völd á laug­ar­dag fyrir að skilja íbúa dreif­býlis eftir varn­ar­lausa gagn­vart vopn­uðum glæpa­gengjum.

„Nígerísk stjórn­völd halda áfram að skilja íbúa dreif­býlis í ákveðnum lands­hlutum, einkum í norðri, eftir á valdi vopn­aðra ræn­ingja sem fremja ítrekað hræði­leg voða­verk án þess að þurfa að sæta ábyrgð,“ sagði mann­rétt­inda­sam­tökin.

„Við­var­andi van­ræksla stjórn­valda við að draga grun­aða ger­endur til ábyrgðar stuðlar aug­ljós­lega að því að þeir kom­ist upp með þessa glæpi,“ bættu sam­tökin við í yfir­lýs­ingu á sam­fé­lags­miðlum.