Kona og móðir hennar slösuðust eftir að hafa orðið innlyksa í 59 bíla árekstri á þjóðvegi 99 snemma á laugardagsmorgni á leið sinni frá Oxnard til Central Valley í Kalifornínu í Bandaríkjunum

Yamel Angel sagði að hún og móðir hennar hefðu verið á norðurleið þegar þær lentu skyndilega mitt í árekstrinum en mikil þoka var á svæðinu.

„Ég var berfætt. Ég hljóp bara út. Við hlupum eins hratt og við gátum út á grasið og horfðum bara á allt gerast,“ sagði Angel við ABC fréttastofuna.

Í kjölfarið varð annar árekstur hinum megin á þjóðveginum.

„Við sáum bara bíl eftir bíl skella saman alls staðar,“ sagði Angel.

Angel og móðir hennar voru fluttar á sjúkrahús. Angel hlaut höfuð- og mjaðmameiðsli, en móðir hennar hlaut bakmeiðsli.

„Það var fólk sem reyndi að hjálpa, reyndi að hjálpa hinum slösuðu. Þetta var virkilega slæmt. Hjartað í mér sló rosalega hratt. Allt flaug í gegnum hugann á mér og hugurinn tæmdist,“ sagði Angel.

Ekki hefur verið gefið út hversu margir slösuðust í árekstrinum.