Anna Marsibil Clausen, jafnan kölluð Anna Marsý, ritstjóri hlaðvarpa á RÚV, greinir frá því að hún hafi nýverið trúlofast unnusta sínum, Eiríki Sigurðasyni. Gleðin hafi þó fljótt breyst í örvæntingu þegar hún týndi trúlofunarhringnum sínum á Akureyri.
Frá þessu segir Anna í Facebook-færslu þar sem hún biðlar til fólks um aðstoð við leitina.
„Nú fyrir skömmu skellti Eiríkur sér á skeljarnar og á ég sagði já. Jibbí!“ skrifar hún.
Hún segir síðan að skömmu síðar hafi hún týnt hringnum.
„Nema hvað, adhd kvendinu sem ég er tókst að týna trúlofunarhringnum mínum í kvennaklefa World Class við Strandgötu á Akureyri fyrr í dag.“
Anna segir þó að einnig sé mögulegt að hringurinn hafi glatast við veitingastaðinn Berlín þar sem hún hafi borðað salat.
Hún tekur atvikinu með húmor, þrátt fyrir allt og segir:
„Af þessu lærum við tvennt: annars vegar að mér er ekki treystandi fyrir fallegum munum og hinsvegar að hreyfing og hollt mataræði borgar sig engan veginn!“
Hún biðlar til fólks á Akureyri að fylgjast með og deila færslunni.
Um er að ræða fléttaðan gullhring frá Orra Finn með glærum steini. Hægt er að skila hringnum í móttöku World Class við Strandgötu eða hafa samband við Önnu beint.
Hún heitir jafnframt góðum fundarlaunum þeim sem finnur hringinn.
