Áslaug Sig­ríður Al­freðsdótt­ir, fyrr­ver­andi hót­el­stjóri, er fallin frá. Morgunblaðið greindi frá andláti hennar.

Áslaug fæddist í Reykjavík árið 1950 og ólst upp í Hlíðunum. Eftir grunnskóla fór hún í Menntaskólann í Reykjavík og útskrifaðist þaðan árið 1970. Hún fluttist til Skotlands þar sem hún lauk BA-prófi í hót­el- og veit­inga­stjórn­un. Hún lærði síðar viðskiptafræði í Háskóla Íslands.

Áslaug starfaði á mörgum hótelum í gegnum ævina þar á meðal Hótel Loftleiðum, Hótel Esju og Hótel Heklu.

Áslaug stofnsetti upp­lýs­inga­miðstöð ferðamála fyr­ir Ferðamálaráð og Reykja­vík­ur­borg árið 1987 og var fyrsti for­stöðumaður henn­ar en flutti til Ísafjarðar árið 1989, með eiginmanni og börnum, og tók við Hótel Ísafirði.

Hún var sæmd ridd­ara­krossi hinn­ar ís­lensku fálka­orðu 17. júní 2007 fyr­ir störf að ferðaþjón­ustu lands­byggðar.

Áslaug lætur eftir sig eiginmann og þrjú börn.