María Klara Jónsdóttir hefur gengið til liðs við ráðgjafarfyrirtækið Athygli og mun þar sinna verkefnum á sviði samskipta, stefnumála og stjórnendaráðgjafar.

Hún kemur til Athygli frá Attentus, þar sem hún starfaði undanfarin fimm ár við ráðgjöf á sviði mannauðsmála og vinnuréttar. Áður starfaði María Klara meðal annars sem héraðsdómslögmaður hjá Íslensku lögfræðistofunni, lögfræðingur endurupptökunefndar og mannauðsstjóri flugfreyja og flugþjóna hjá Icelandair.

María Klara lauk BA-gráðu í lögfræði frá Háskólanum í Reykjavík árið 2012 og meistaragráðu tveimur árum síðar. Hún hefur jafnframt málflutningsréttindi fyrir héraðsdómi.

Kolbeinn Marteinsson, framkvæmdastjóri Athygli, segir reynslu hennar styrkja ráðgjafarteymi fyrirtækisins verulega.