Arkitektinn Björn Ó. Ólafs er látinn, 87 ára að aldri. Hann lést á heimili sínu í París 27. júní síðastliðinn.

Morgunblaðið greinir frá andláti hans.

Björn fæddist í Reykjavík 9. maí 1939 og lauk stúdentsprófi frá Menntaskólanum í Reykjavík árið 1958. Hann nam síðar arkitektúr og skipulagsfræði í París. Að námi loknu kom hann heim og tók þátt í skipulagningu Breiðholts ásamt Geirharði Þorsteinssyni og Hróbjarti Hróbjartssyni. Hann teiknaði jafnframt meðal annars Húnavallaskóla og raðhúsalengjuna við Látraströnd á Seltjarnarnesi.

Síðar flutti Björn aftur til Parísar þar sem hann starfaði við stór verkefni í Frakklandi og víðar. Á Íslandi skipulagði hann og hannaði meðal annars Bryggjuhverfið í Árbænum og Sjálandshverfi í Garðabæ.

Hann lætur eftir sig tvo syni.