Fleiri kærur á hendur Írisi Helgu Jónatansdóttur hafa bæst í bunkann. Guðjón Örn Sigtryggsson, sem búsettur er í Vestmannaeyjum, lagði fram kæru á hendur henni í lok síðasta árs vegna meintrar umsáturseineltingar sem hann segist hafa orðið fyrir en Heimildin tók viðtal við Guðjón um málið.
Þá hefur kona tengd Guðjóni einnig kært Írisi til lögreglu fyrir áreiti. Í því samhengi barst yfirmanni viðkomandi konu tölvupóstur þar sem settar voru fram alvarlegar ásakanir á hendur henni. Málið reyndist tengjast Guðjóni og komu ásakanirnar síðar í ljós sem tilhæfulausar og byggðar á uppspuna.
Íris hefur verið í sviðljósinu hjá íslensku samfélagi á undanförnum mánuðum fyrir meinta hegðun sína og náði það hámarki þegar hún var handtekin grunuð um að hafa birt falska dánartilkynningu í Morgunblaðinu fyrir stuttu síðan.
„Ég verð fyrst var við þetta í október, nóvember,“ segir Guðjón Örn í samtali við Heimildina. „Þá voru búnar að ganga nafnlausar færslur á samfélagsmiðlum og búið að birtar myndir af mér,“ en færslurnar ganga að mestu út á að ekki sé hægt að treysta honum og þá sérstaklega ekki konur. Gefið er í skyn í færslunum að Guðjón sé ofbeldismaður en hann átti í stuttum kynnum við Írisi á síðasta ári.
„Ég hef alltaf sagt að ég með breiðar axlir, en eðlilega hefur þetta áhrif og maður lítur oftar um öxl en áður,“ segir Guðjón.
Færslurnar eru allar nafnlausar en Guðjón segist 99% viss um að Íris beri ábyrgð í málinu.
