Hafnfirðingurinn Marko Brlek hefur verið dæmdur í fangelsi af Héraðsdómi Reykjavíkur en dómurinn birtist fyrir skömmu á vef dómstólsins.

Hann var ákærður fyrir líkamsárás með því að hafa, aðfaranótt mánudagsins 5. ágúst 2024, utandyra við skemmtistaðinn Röngten við Hverfisgötu í Reykjavík, veist með ofbeldi að manni, og slegið hann í andlitið með flötum lófa, með þeim afleiðingum að hann hlaut glóðarauga á báðum augum og nefbrot.

Brlek mætti ekki þrátt fyrir að hafa verið boðaður en hann hafði ekki áður gerst sekur um refsivert athæfi.

Hann var dæmdur í 60 daga fangelsi en dómurinn er skilorðsbundinn til tveggja ára.