Rannsókn á hvarfi móður Savönnuh Guthrie, Nancy Guthrie heldur áfram og lögregla segir að enn sé unnið að því að fara yfir sönnunargögn í málinu.

Næstum þrjár vikur eru síðan hanskar með DNA fundust um tveimur mílum frá heimili hinnrar 84 ára gömlu konu, sem hvarf í byrjun febrúar. Margir töldu að hanskarnir gætu tengst hvarfinu, en Chris Nanos, sýslumaður í Pima-sýslu, segir að svo sé ekki.

„Á þeim tíma töldum við af heilum hug að þessir hanskar tilheyrðu veitingastað,“ sagði Nanos í viðtali við NBC-stöðina KVOA sem birt var 2. mars. „Eigandi hanskans fannst og reyndist vinna á veitingastað hinum megin við götuna.“

Sumir höfðu bent á að hanskarnir líktust þeim sem sjá má á grímuklæddum einstaklingi í upptöku úr dyrabjöllumyndavél við heimili Guthrie. Nanos segir þá kenningu þó aðeins vera „vangaveltur“ og að hanskarnir sem fundust hafi „ekkert með málið að gera“.

Lögreglan í Pima-sýslu staðfesti einnig í færslu á X þann 4. mars að eigandi hanskanna sé „ekki hluti af þessari rannsókn“.

Ýmsar aðrar kenningar hafa einnig komið fram í tengslum við leitina. Nanos sagði meðal annars að sumir hefðu haldið því fram að hanskarnir gætu hafa verið frá lögreglumönnum sem hefðu hent þeim á vettvangi.

„Það var einhver umræða um að lögreglumenn úti á vettvangi hefðu bara hent þeim,“ sagði hann. „Það er svo langt frá sannleikanum.“

Hann bætti þó við að rannsóknarteymið hafi upplýsingar sem gætu hjálpað til við að leysa málið, en að það væri „mjög óábyrgt“ að birta þær opinberlega á þessu stigi.

„Það er rannsókn í gangi og það eru ákveðin verkferli sem fylgja henni,“ sagði hann og bætti við að slík vinna taki tíma.

Að sögn Nanos getur rannsóknarteymið nú einbeitt sér að kjarna málsins: að bera kennsl á einstaklinginn sem sést í myndbandsupptökunni og finna þann sem tók Nancy Guthrie.