Hin árlega Harmonikuhátíð Reykjavíkur verður haldin sunnudaginn 12. júlí næstkomandi á Árbæjarsafni. Dagskráin, sem samanstendur af lifandi harmonikkutónlist og lifandi kynningu á sögulegum heyönnum sem býður gestum upp á einstaka innsýn í íslenska menningarsögu.
Hátíðin er nú haldin í 28. sinn í samstarfi við Árbæjarsafn. Viðburðurinn er að þessu sinni tileinkaður minningu tveggja merkra manna í sögu hátíðarinnar: Karls Jónatanssonar, stofnanda hátíðarinnar og frumkvöðuls harmonikkutónlistar á Íslandi, og Guðrúnar Guðjónsdóttur, driffjaðrar Vitatorgsbandsins, sem lést þann 31. maí síðastliðinn. Guðrún hafði verið órjúfanlegur hluti af starfi hátíðarinnar allt frá árinu 1999.
Tækifæri til að taka þátt í hefðbundnum heyvinnubrögðum
Fjölmargir af helstu harmonikkuleikurum þjóðarinnar munu koma fram á tónleikum dagsins. Meðal þeirra eru hljómsveitir frá Félagi harmonikuunnenda Reykjavíkur og Harmonikufélagi Reykjavíkur, fulltrúar frá Félagi harmonikuunnenda við Eyjafjörð og á Suðurnesjum, Vitatorgsbandið, auk þeirra Páls Elíassonar og Odds Fjeldsted.
Samhliða tónlistarflutningnum mun gefast tækifæri til að fylgjast með og taka þátt í hefðbundnum heyvinnubrögðum eins og þau gerðust áður en vélvæðing hófst í íslenskum landbúnaði. Sýnt verður hvernig hey var slegið með ljá, rakað með hrífum og unnið með handafli, að því gefnu að veðurskilyrði leyfi. Ef veður hamlar heyvinnu munu heyannir falla niður en tónlistardagskráin mun fara fram samkvæmt áætlun.
Formleg dagskrá fer fram á milli klukkan 13:00 og 16:00, en safnið sjálft er opið á milli klukkan 10:00 og 17:00. Kaffihús safnsins í Dillonshúsi verður jafnframt opið gestum. Ókeypis aðgangur er fyrir börn, öryrkja og handhafa Menningarkorts Reykjavíku
