Sögufrægt sýslumannshús að Kornsá í Vatnsdal í Austur Húnavatnssýslu hefur verið sett á sölu. Húsið, sem var reist árið 1879, er 213,7 fermetrar að stærð og er söluverðið 110 milljónir króna.

Það var Lárus Blöndal sýslumaður sem lét reisa húsið, sem stendur á fallegum stað með útsýni yfir Vatnsdal og Vatnsdalsá. Á lóðinni er einnig steinhlaðin laug.

Húsið var endurnýjað að stórum hluta á árunum 2000 til 2014 í samvinnu við Minjastofnun.

Tengist einu þekktasta sakamáli Íslandssögunnar

Kornsá tengist jafnframt sögunni um síðustu aftökuna á Íslandi. Agnes Magnúsdóttir dvaldi á Kornsá síðasta vetur ævi sinnar áður en hún og Friðrik Sigurðsson voru tekin af lífi á Þrístöpum árið 1830.

Sagan af Agnesi og Friðriki hefur orðið efniviður fjölmargra verka. Þar á meðal er kvikmyndin Agnes, þar sem Baltasar Kormákur fór með eitt aðalhlutverkanna, auk þess sem Bubbi Morthens hefur samið lag sem tengist sögunni.