Alríkisyfirvöld hafa gert húsleit á heimili Ilhan Omar, þingkonu Demókrataflokksins frá Minnesota, í tengslum við sakamálarannsókn, samkvæmt fréttamiðlum Vestanhafs.
Fox News Digital greinir frá því að fulltrúar rannsóknardeildar bandaríska heimavarnarráðuneytisins, hafi gert húsleit á heimili þingkonunnar snemma í morgun
Omar hefur um árabil verið skotspónn Donalds Trump Bandaríkjaforseta, sem hefur ítrekað ráðist á hana. Omar var fyrsta konan af sómalskum uppruna til að ná kjöri á Bandaríkjaþing.
„Í dag framkvæmdi rannsóknardeild heimavarnarráðuneytisins húsleit á Washington-svæðinu á grundvelli húsleitarheimildar sem dómstóll veitti að beiðni dómsmálaráðuneytisins. Aðgerðin er hluti af yfirstandandi alríkisrannsókn,“ sagði talsmaður bandaríska dómsmálaráðuneytisins við Fox News Digital.
Trump hefur ítrekað notað niðrandi og ögrandi orðalag um Omar og íbúa Minnesota af sómalskum uppruna. Sjö árum eftir að Omar var kjörin á þing sagði Trump að hún ætti að „fara aftur“ til heimalands síns.
