Ingimar Sveinsson, bóndi, kennari og einn af áhrifamestu hestamönnum landsins, lést á hjúkrunarheimilinu Hömrum í Mosfellsbæ 18. júní síðastliðinn, 98 ára að aldri.

Greint er frá andláti hans í Morgunblaðinu.

Ingimar fæddist á Egilsstöðum á Fljótsdalshéraði 27. febrúar 1928. Hann lauk búvísindanámi í Bandaríkjunum árið 1952 og starfaði sem bóndi á Egilsstöðum til ársins 1986. Síðar kenndi hann við Landbúnaðarháskólann á Hvanneyri, meðal annars í hrossarækt og tamningum, auk þess að sinna rannsóknum á sviðinu.

Hann var frumkvöðull í hestamennsku, hélt fjölda námskeiða innanlands og erlendis og lagði sitt af mörkum til þróunar tamningaaðferða fyrir íslenska hestinn. Ingimar gegndi jafnframt fjölmörgum trúnaðarstörfum í félagsmálum og landbúnaði.

Hann skrifaði kennslubækur og bókina Hrossafræði Ingimars, sem var tilnefnd til bókmenntaverðlauna Hagþenkis árið 2010. Eftirlifandi eru fimm börn hans