Maður lést í miðborg Los Angeles aðfaranótt föstudags eftir að hafa valdið sjálfum sér alvarlegum áverkum, samkvæmt upplýsingum frá lögreglu.
Lögreglan í Los Angeles fékk tilkynningu um mann sem var að skaða sjálfan sig um klukkan 03:40 að staðartíma í miðborg borgarinnar. Þegar lögreglumenn komu á vettvang var svæðið girt af og hvítu tjaldi komið fyrir til að verja vettvanginn fyrir áhorfendum.
Samkvæmt heimildum lögreglu hafði maðurinn valdið sér lífshættulegum áverkum með beittu áhaldi. Hafði maðurinn skorið kynfæri sín af og reyndi að skera af eina hönd og skar sig svo á háls. Myndefni frá vettvangi sýndi einnig blóðbletti á gangstéttinni þar sem atvikið átti sér stað.
Ekki liggur enn fyrir hvaða verkfæri var notað né hver ástæða verknaðarins var. Lögregla hefur jafnframt ekki staðfest hvort fíkniefni hafi komið við sögu.
Rannsókn á málinu stendur yfir og hefur ekki verið greint frá frekari upplýsingum um manninn að svo stöddu.
Í þessari grein er fjallað um sjálfsvíg
Fólki með sjálfsvígshugsanir er bent á upplýsingasíma heilsugæslunnar s.1700, netspjallið heilsuvera.is, Hjálparsíma Rauða krossins s.1717, á netspjallið 1717.is og á Píeta símann s.552-2218. Þau sem misst hafa ástvin í sjálfsvígi er bent á stuðning í Sorgarmiðstöð s. 551-4141, upplýsingasíma heilsugæslunnar s.1700, netspjallið heilsuvera.is og á Píeta símann s.552-2218.
