Kona í Brasilíu slapp naumlega með líf sitt um helgina eftir að maki hennar kveikti í henni meðan hún hélt á þriggja ára gömlum sinni þeirra.

Forsaga málsins er sú að maðurinn kom heim fullur á laugardagskvöldið og krafðist þess að barnsmóðir sín myndi yfirgefa heimili þeirra. Áður en hún fékk tækifæri til að gera slíkt hellti maðurinn yfir hana bensíni og kveikti í henni, eins og áður segir með barn þeirra í fanginu.

Konan hljóp út úr húsinu og kastaði sér í nærliggjandi sundlaug til að bjarga lífi sínu og hljóp maki hennar á eftir og reyndi að kveikja aftur í henni. Stuttu eftir atvikið flúði maðurinn á brott þegar hann heyrði í sírenuvæli.

Konan var flutt á sjúkrahús þar sem kom í ljós að hún hlaut alvarleg brunasár á 40% á líkamanum. Barnsfaðirinn er nú eftirlýstur fyrir morðtilraun og er sonur þeirra í umsjón ömmu sinnar meðan móðir hans er á sjúkrahúsi.