Knattspyrnumaðurinn Gísli Gottskálk Þórðarson og kærasta hans, Andrea Marý, eiga von á sínu fyrsta barni á næsta ári. Parið greindi frá gleðitíðindunum á samfélagsmiðlinum Instagram þar sem þau birtu saman sónarmynd.

Gísli er 22 ára gamall og hefur undanfarin ár getið sér gott orð á knattspyrnuvellinum, bæði hér heima og erlendis. Hann leikur um þessar mundir með þýska félaginu St. Pauli að láni frá pólska stórliðinu Lech Poznań.

Gísli er uppalinn hjá Breiðabliki en hélt ungur til Ítalíu þar sem hann var á mála hjá Bologna. Hann sneri aftur heim árið 2022 og gekk til liðs við Víking Reykjavík þar sem hann varð meðal annars Íslandsmeistari árið 2023.

Gísli gekk síðan til liðs við Lech Poznań í byrjun árs 2025 en færði sig yfir til Þýskalands síðastliðið sumar. Hann hefur leikið fjóra leiki fyrir hönd Íslands

Nú bíður hans þó nýtt og spennandi hlutverk utan knattspyrnuvallarins þegar hann og Andrea Marý verða foreldrar í fyrsta sinn á næsta ári.