Nokkuð var um verkefni hjá lögreglunni á höfuðborgarsvæðinu í dag og komu meðal annars upp mál vegna umferðarbrota, þjófnaðar og meintra fjársvika.

Lögreglu barst tilkynning um grindverk sem hafði fokið út á akbraut. Gerðar voru viðeigandi ráðstafanir vegna þess. Þá var óskað eftir aðstoð lögreglu vegna einstaklings með „afbrigðilega hegðun“ og í öðru tilviki þurfti lögregla að aðstoða við að vísa óvelkomnum einstaklingi á brott.

Lögregla hafði einnig afskipti af einstaklingi sem hafði komið á veitingastað, borðað og drukkið en gat ekki greitt reikninginn. Viðkomandi er grunaður um fjársvik.

Tveir ökumenn voru stöðvaðir við almennt umferðareftirlit og eru báðir grunaðir um akstur undir áhrifum ávana- og fíkniefna. Annar þeirra hafði jafnframt verið sviptur ökuréttindum. Þeir voru látnir lausir að lokinni blóðsýnatöku.

Þá var ökumaður stöðvaður eftir að hafa mælst á 66 kílómetra hraða á klukkustund þar sem hámarkshraði er 30 kílómetrar á klukkustund. Hann ók því 36 kílómetrum yfir leyfilegum hámarkshraða.

Að lokum var lögregla kölluð til vegna einstaklings sem grunaður er um þjófnað í matvöruverslun. Málið fór í hefðbundið ferli hjá lögreglu.