Körfuboltamaðurinn Chance Trujillo gæti hafa komið sér í bobba vegna hegðunar sinnar í körfuboltaleik milli háskólaliðanna Utah Tech Trailblazers og Santa Santa Broncos sem fór fram á miðvikudaginn.

Þar kýldi Trujillo, sem leikur með Trailblazers, Allen Graves í andlitið eftir að Graves tróð körfuboltanum glæsilega í körfuna. Graves reyndi að svara kjaftshögginu en liðsfélagi hans steig inn í og stoppaði hann. Báðir leikmenn hlutu tæknivillu fyrir hegðun sína í atvikinu.

Ekki er búið að gefa út refsingu vegna málsins en það er í rannsókn hjá skólanum og er mögulegt að lögreglan kæri Trujillo fyrir líkamsárás.

Skólinn hefur sagt að búið verði að tilkynningu um niðurstöðu rannsóknarinnar fyrir næsta leik liðsins.