Lögreglan á höfuðborgarsvæðinu lagði hald á um hálft kíló af kókaíni, fjögur kiló af marijúana og á annan tug milljóna króna í reiðufé við húsleitir í umdæminu í vikunni samkvæmt tilkynningu frá embættinu.
„Fjórir voru handteknir í þessum aðgerðum, en í þeim var enn fremur stöðvuð kannabisræktun á tveimur stöðum. Fjórmenningarnir eru grunaðir um umfangsmikla og skipulagða sölu og dreifingu fíkniefna á höfuðborgarsvæðinu, framleiðslu þeirra og peningaþvætti. M.a. sölu fíkniefna í gegnum samfélagsmiðla,“ segir í tilkynningunni.
Rannsókn málsins miðar vel að sögn lögreglu en við aðgerðirnar naut embættið aðstoðar sérsveitar ríkislögreglustjóra.
Kjósa
Hvernig finnst þér þessi grein? Skrá inn til að kjósa
Komment
Skráðu þig inn til að skrifa athugasemd eða kjósa.
Hleður athugasemdir…

