Ragnar Þór Ingólfsson, félags- og húsnæðismálaráðherra, hefur úthlutað styrk til Leigjendasamtakanna sem sinna hagsmunagæslu og veita leigjendum ráðgjöf á húsnæðismarkaði en þetta kemur fram í tilkynningu stjórnvalda.

Athygli vekur að ekki er tekið fram um hversu háa upphæð ræðir í tilkynningunni.

Þá hafa samtökin hafa jafnframt átt í samtali við ráðherra og munu koma að nýjum verkefnum sem nýlega voru kynnt, með það að markmiði að bæta stöðu leigjenda og efla leigumarkaðinn.

Til viðbótar hefur lengi verið kallað eftir breytingu sem nú stendur til að innleiða: að banna mánaðarlega vísitölutengingu húsaleigu. Í staðinn verður einungis heimilt að hækka leigu einu sinni á hverju 12 mánaða tímabili samkvæmt húsaleigulögum. Með þessu er stefnt að meiri stöðugleika og fyrirsjáanleika í leiguverði frá mánuði til mánaðar.