Lögregla hafði í ýmsu að snúast á höfuðborgarsvæðinu síðasta sólarhringinn þar sem meðal annars var brugðist við innbroti, líkamsárásum, fíkniefnamálum og eldi í gaskút.

Minni háttar umferðaróhapp varð í miðbæ Reykjavíkur þegar rafhlaupahjóli var ekið á bifreið. Engin slys urðu á fólki en málið var skráð af lögreglu.

Þá var tilkynnt um innbrot á veitingastað í sama hverfi. Málið er til rannsóknar.

Í Hafnarfirði voru tveir ökumenn handteknir. Annar er grunaður um akstur undir áhrifum fíkniefna auk þess að hafa haft fíkniefni í fórum sínum sem talin eru ætluð til söludreifingar. Hinn ökumaðurinn var handtekinn grunaður um ölvunarakstur auk þess að aka sviptur ökuréttindum.

Tveir einstaklingar voru kærðir fyrir líkamsárás í Breiðholti eftir að lögreglu barst tilkynning um atvikið.

Einnig var tilkynnt um eld í gaskút í Breiðholti. Slökkvilið var kallað á vettvang og sinnti aðgerðum. Ekki liggur fyrir hvort tjón hafi orðið af völdum eldsins.

Í Árbæ var einn einstaklingur handtekinn grunaður um líkamsárás, hótanir, hnífaburð og vörslu fíkniefna