Samfélagsmiðlastjarnan Linda Ben virðist hafa átt heldur betur góða daga í Kaupmannahöfn á dögunum þar sem hún naut lífsins með vinkonum sínum.

Linda birti skemmtilega myndasyrpu úr ferðinni á Instagram þar sem sjá má að stemningin hefur verið með besta móti. Góður matur, drykkir, hlátursköst og tónlist virðast hafa verið rauði þráðurinn í ferðinni og meðal annars skellti hópurinn sér á tónleika með Pussycat Dolls.

„Köben, Pussycat Dolls, endalaust góður matur, drykkir og hlátursköst með mínum uppáhalds,“ skrifar Linda við myndirnar og bætir síðan við í léttum dúr:

„Don’t cha wish your girls trips were hot like this?“

Linda hefur verið áberandi á samfélagsmiðlum undanfarin ár og hefur einnig látið að sér kveða á öðrum vettvangi. Hún gaf meðal annars út bókina Kökur, sem naut mikilla vinsælda, og gerði sjónvarpsþátt sem sýndur var á Stöð 2 fyrir jólin 2024.

Linda er gift Ragnari Einarssyni, forstöðumanni færsluhirðingar Landsbankans, og eiga þau saman tvö börn.