Áhrifavaldurinn, bakstursmeistarinn og frumkvöðullinn Linda Benediktsdóttir, betur þekkt sem Linda Ben, hefur dvalið á erlendis síðustu daga þar sem hún hefur notið sólar, afslöppunar og góðra stunda með sínum nánustu. Hún hefur reglulega deilt myndum og myndskeiðum frá ferðinni á samfélagsmiðlum þar sem fylgjendur hennar hafa fengið innsýn í lífið undir suðrænni sól.
Af því sem sjá má á færslum hennar hefur ferðin einkum einkennst af rólegheitum, útiveru og golfi. Meðal ferðafélaga hennar er eignmaðurinn Ragnar Einarsson, sem er mikill áhugamaður um golfíþróttina og hefur um árabil verið þekktur fyrir áhuga sinn á leiknum. Hann starfar hjá Landsbankanum og hefur jafnvel verið orðaður við að eiga eina bestu golfsveiflu bankans, samkvæmt þeim sem til þekkja.
Linda lét sjálf reyna á golfhæfileikana í ferðinni og segir frá því að hún hafi tekið þátt í sínu fyrsta golfmóti. Þátttakan reyndist afar farsæl því hún náði frábærum árangri og hafnaði í efsta sæti. Hún lýsti ánægju sinni með árangurinn og virðist nýtt áhugamál hafa bæst á listann hjá bakstursdrottningunni.
Undanfarin ár hafa verið viðburðarík hjá Lindu á atvinnusviðinu. Hún hefur byggt upp sterkt vörumerki í kringum bakstur og matargerð og notið mikilla vinsælda meðal landsmanna. Bók hennar Kökur vakti mikla athygli þegar hún kom út og seldist afar vel. Þá steig hún einnig nýtt skref á ferlinum þegar hún leiddi eigin sjónvarpsþætti sem sýndir voru á Stöð 2 fyrir jólin árið 2024. Þættirnir fengu góðar viðtökur og styrktu enn frekar stöðu hennar sem eins þekktasta andlits landsins á sviði baksturs og lífsstíls.
Í maí var varla hægt að fara á samfélagmiðla undanfarna daga án þess að sjá Lindu skemmta sér konunglega í villu á Spáni en þeir sem tók þátt í leiknum geta unnið gistingu í sjö nætur í villunni fyrir tíu manns.
