16 ára áhrifavaldur, Princess-Bliss Dickson, er látin úr ofskammti í stuðningsúrræði, að því er fram kom við réttarhöld í Essex.

Princess-Bliss lést þann 7. febrúar síðastliðinn á dvalarstað í Waltham Abbey. Rannsókn á andláti Princess-Bliss Dickson hófst í gær í Essex en var þegar í stað frestað á meðan lögregla rannsakar aðdraganda hörmulegs andláts hennar.

Hún vakti fyrst athygli aðeins fjögurra ára gömul þegar hún kom fram í sjónvarpsþættinum Blinging Up Baby árið 2014. Þar var fylgst með móður hennar sem eyddi miklum fjárhæðum í útlit og lífsstíl barna sinna.

Við dánarrannsóknina kom fram að stúlkan hafi fundist meðvitundarlaus í rúmi sínu. Sjúkralið var kallað á vettvang en dauði hennar var staðfestur á staðnum.

Krufning leiddi í ljós að líkleg dánarorsök væri eitrun af völdum lyfsins quetiapine, sem er notað við alvarlegum geðrænum kvillum.

Dómari málsins sagði að rannsókn yrði frestað þar til lögreglurannsókn lyki og að málið yrði tekið upp síðar.

Fjölskylda stúlkunnar var viðstödd réttarhöldin og hefur móðir hennar áður tjáð sig um einelti sem dóttir hennar varð fyrir á netinu.

Yfirvöld í Essex segja að þau vinni náið með lögreglu og eftirlitsaðilum á meðan rannsókn stendur yfir, en ekki verði veittar frekari upplýsingar að svo stöddu.