Hinn meinti morðingi Vilma Andersson er ekki talinn þjást af alvarlegum geðsjúkdómi. Þetta kemur fram í yfirlýsingu frá Swedish Board of Forensic Medicine, sem nýlega var lögð fram hjá héraðsdómi.

„Forsendurnar eru trúnaðarmál,“ segir saksóknarinn Markus Hankkio. Hann bætir þó við að matið geti breyst síðar.

„Mögulegt er að viðbót komi eftir að réttarhöld hafa farið fram og allt málsgögn liggja fyrir,“ segir Hankkio.

Dagblaðið Aftonbladet hefur farið yfir nokkurra blaðsíðna réttargeðlæknisfræðilega skýrslu, en stórir hlutar hennar eru huldir. Niðurstöðurnar liggja þó fyrir. Þar segir „Vilma Andersson framdi ekki verknaðinn undir áhrifum alvarlegs geðsjúkdóms“ og að „Vilma Andersson þjáðist ekki af alvarlegum geðsjúkdómi við rannsókn málsins“.

Þetta þýðir að mögulegt er að hann verði dæmdur til fangelsisvistar.

Samkvæmt upplýsingum Aftonbladet var hinn 26 ára Vilma Andersson, fluttur á miðvikudag úr háöryggisréttargeðdeildinni Helix í hefðbundið gæsluvarðhald.

Vilma var handtekinn 27. desember, grunuður um morð á 25 ára gamalli konu í Rönninge, á annan í jólum. Hann hefur játað að hafa ráðist á konuna en ekki að hafa myrt hana. Þá viðurkenndi hann fyrir lögreglunni þegar hann var handtekinn að hann væri með líkamsparta í frystinum. Lögreglan fann síðar téða líkamsparta í frysti hans.

Að sögn saksóknara stendur jafnframt yfir rannsókn á því hvort Andersson hafi mögulega framið önnur alvarleg afbrot.

„Í ljósi þeirra grunsemda sem beinast að henni og fyrri sakfellinga viljum við að sjálfsögðu kanna hvort hann geti einnig tengst öðrum alvarlegum brotum,“ segir Markus Hankkio.

„Þetta er eðlilegt í málum sem þessum og beinist að alvarlegum brotum, ekki einhverju smávægilegu eins og einföldum þjófnaði.“

Andersson, sem sem áður hét Robin, var áður dæmdur fyrir tilraun til mannráns á barni, alvarleg kynferðisbrot og hótanir gegn starfsfólki fangelsisins. Hann hafði einnig fundist með myndir af látnum konum í fórum sínum.

Vilma Andersson var handtekinn 27. desember, grunuður um morð á 25 ára gamalli konu í Rönninge, á annan í jólum. Hann hefur margoft breytt um nafn en tók nýlega upp nafnið Vilma Andersson, eftir konu sem myrt var fyrir nokkrum árum í Uddevalla, en hún hét Wilma Anderson.