Móðir í Reykjavík var nýverið dæmd í 30 daga skilorðsbundið fangelsi í Héraðsdómi Reykjavíkur en hún hafði verið ákærð fyrir að aka í tvígang ölvuð. Þá var hún með ung börn sínum í bílnum í öðru atvikinu.
Fyrra atvikið átti sér stað árið 2023 og voru börnin í bílnum þá en konan neitaði sök í því tilfelli. Seinna atvikið var árið 2024 en konan játaði að hafa verið undir áhrifum í það skipti.
Samkvæmt vitni sem hringdi í lögregluna keyrði konan á móti umferð, upp á kanta og var rásandi. Í dómnum kemur fram að konan hafi verið sýnilega drukkin þegar lögreglan mætti á svæðið, en þá hafði hún stöðvað bíl sinn, og var það staðfest með blóðprufu.
Ásamt því að vera dæmd í fangelsi var móðirin svipt ökuréttindum og þarf að greiða 590 þúsund krónur í sekt vegna brotanna og rúmar 900 þúsund krónur í málskostnað.
