Sprenging í flugeldaverksmiðju í Kína drap níu manns og særði 26 aðra, samkvæmt ríkismiðlum þar í landi í dag.
Sprengingin átti sér stað skömmu fyrir klukkan 8:30 að morgni mánudags í verksmiðju í þorpi utan við Changde, borg í Hunan-héraði, að því er fram kemur í frétt ríkisútvarpsins China National Radio.
Frá og með klukkan 9:00 að morgni dagsins í dag höfðu níu manns látið lífið og 26 særst samkvæmt CNR. Björgunarstarf á vettvangi stóð enn yfir, að sögn CNR, sem greindi frá „flóknu“ ástandi og hættu á frekari sprengingum sem torvelda björgunarðgerðir. Að auki væri svæðið í „fjallasvæði án stórs vatnsbóls.“
Ríkisfréttastofan Xinhua greindi einnig frá því á þriðjudag að yfirvöld hefðu sent starfshóp til Hunan til að hafa umsjón með björguninni.
„Mikil vinna verður lögð í að komast að orsök sprengingarinnar eins fljótt og auðið er og draga þá sem bera ábyrgð til ábyrgðar,“ sagði í tilkynningu frá yfirvöldum.
Iðnaðarslys eru nokkuð algeng í Kína vegna óljósra reglugerða og slakra öryggisstaðla. Í síðasta mánuði kostaði sprenging í efnaverksmiðju í Shandong-héraði að minnsta kosti fimm mannslíf.
Árið 2015 drápu sprengingar í vöruhúsum með eldfimum efnum í hafnarborginni Tianjin meira en 170 manns og særðu 700 aðra.
