Talsverður erill var hjá lögreglunni á höfuðborgarsvæðinu í gærkvöldi og í nótt og komu nokkur mál tengd akstri undir áhrifum áfengis og fíkniefna inn á borð lögreglu.

Alls voru sex ökumenn handteknir vegna gruns um akstur undir áhrifum áfengis og eða ávana og fíkniefna.

Í einu tilviki voru þrír ökumenn handteknir vegna gruns um akstur undir áhrifum ávana og fíkniefna og eða áfengis. Þá voru tveir aðrir ökumenn handteknir vegna ölvunar og fíkniefnaaksturs og enn einn ökumaður var handtekinn vegna gruns um fíkniefnaakstur.

Lögregla sinnti jafnframt minniháttar umferðaróhappi. Ökumaður var í kjölfarið kærður fyrir að hafa ekki hagað ökuhraða eftir aðstæðum. Draga þurfti eina bifreið af vettvangi vegna óhappsins.

Þá var einstaklingur handtekinn vegna ólöglegrar dvalar hér á landi og gruns um brot gegn lögum um atvinnuréttindi útlendinga.