Lítið lát er á fjörbrotum Jóns Gnarr innan Viðreisnar. Framan af var Jón með rólegasta móti en síðan hefur óánægja hans farið vaxandi. Eftir að hafa rætt við hefðbundna fjölmiðla mætti hann í viðtal við Arnþrúði Karlsdóttur á Útvarpi sögu. Jón rakti þar raunir sínar við fótskör útvarpskonunnar og færðist allur í aukana frá því sem áður var. Fæstir botna í því hvað það er sem fer fyrir brjóst þingmannsins sem auðvitað er því vanur að vera fyrstur og fremstur en hefur þurft að una því að vera einn af óbreyttum sauðum í hjörðinni. 

Velunnarar Jóns leggja nú að honum að meta stöðu sína í ró og næði og sleppa frekari yfirlýsingum. Almennt séð virðist hann vera búinn að mála sig út í horn og einungis fær sú leið að fara alveg út úr Viðreisn og leita eftir áhrifum annars staðar ..