Hin 72 ára DD White hefur vakið athygli eftir að hún greindi frá því hvernig hún og eiginmaður hennar ákváðu að verja eftirlaunaárunum með óvenjulegum hætti. Hjónin hófu að framleiða efni fyrir fullorðna sér til skemmtunar en áhugamálið þróaðist síðar yfir í tekjulind.

White, sem er langamma átta barna, hefur nú opnað eigin síðu á OnlyFans þar sem hún birtir efni ætlað fullorðnum.

Hún segir að hún og ítalskur eiginmaður hennar hafi kynnst á dansstað fyrir um fjórum áratugum. Hjónin hafi á fyrstu árum sambandsins tekið þátt í lífsstíl makaskipta en lagt það til hliðar á meðan þau önnuðust fjölskyldu sína.

Þegar börn þeirra og barnabörn voru orðin fullorðin ákváðu hjónin að taka þráðinn upp að nýju. White hafði þá einnig látið af störfum en hún var áður meðstofnandi framleiðslufyrirtækis.

Hjónin byrjuðu í kjölfarið að taka upp efni saman og birta það á vefsíðum sem tengjast makaskiptum. Að sögn White jókst áhuginn á henni hratt og fjölmargir karlmenn höfðu samband og óskuðu eftir að hitta hana.

Þau ákváðu því að ganga skrefinu lengra og stofna sérstaka síðu og aðgang fyrir White þar sem hún gæti birt efnið sitt.

White lítur þannig á verkefnið sem nýjan kafla eftir starfslok og hefur breytt því sem hófst sem sameiginlegt áhugamál hjónanna í óvenjulegan eftirlaunaferil.