Maðurinn sem grunaður er um að hafa orðið föður sínum að bana í lok júlí hefur verið ákærður og situr áfram í gæsluvarðhaldi. Vísir greinir frá þessu.

Sigurður Ólafsson saksóknari staðfestir við Vísi að ákæra hafi verið gefin út í málinu. Gæsluvarðhald mannsins rann út 22. október en var þá framlengt.

Hinn látni var eiginmaður Lilju Rafneyjar Magnúsdóttur, þingmanns Flokks fólksins, en hinn ákærði er sonur þeirra hjóna. Hann er á fimmtugsaldri og var handtekinn 28. júlí. Hann hefur setið í gæsluvarðhaldi síðan.