Palestínumenn sem nýlega fengu að snúa aftur til Gaza í gegnum Rafah-landamærastöðin lýsa niðurlægjandi meðferð, yfirheyrslum og þrýstingi af hálfu ísraelskra yfirvalda. Sumir segjast jafnvel hafa verið beðnir um að veita Ísraelska hernum upplýsingar í skiptum fyrir að fá að snúa heim.
Sabah al-Raqab og fimm dætur hennar voru meðal 12 Palestínumanna sem fengu leyfi frá ísraelskum yfirvöldum til að snúa aftur til Gaza eftir að Rafah-landamærin við Egyptaland voru að hluta opnuð á ný. Hún sagði í viðtali við Al Jazeera Arabic að fjölskyldan hefði lagt af stað frá egypsku borginni Arish um klukkan tvö að nóttu og komið að landamærunum klukkustund síðar. Þau biðu þar í nokkrar klukkustundir áður en egypsk yfirvöld hleyptu þeim áfram.
Eftir ítarlegar spurningar og leit af hálfu fulltrúa Evrópusambandsins og palestínska heimastjórnin fengu þau loks að halda áfram. Þegar þau voru komin inn á Gaza-svæðið mættu þau hins vegar ísraelskum hermönnum nærri svokallaðri Morag-gönguleið, sem aðskilur Rafah frá öðrum hlutum Gasa.
Samkvæmt frásögn al-Raqab voru hún og fjölskylda hennar yfirheyrð af tveimur ísraelskum yfirheyrslumönnum sem töluðu reiprennandi arabísku. Þeir buðu henni val: að yfirgefa Gaza á ný eða veita hernum upplýsingar.
„Við þurfum að þú verðir augu okkar og eyru,“ sögðu þeir að hennar sögn. Fjölskyldunni var loks hleypt áfram eftir að fulltrúar Evrópusambandsins gripu inn í, og héldu þau til Nasser-sjúkrahússins í Khan Younis.
Svipaða sögu segir Rotana al-Riqib, palestínsk kona á fertugsaldri, sem sneri einnig aftur frá Egyptalandi í gegnum Rafah. Hún lýsir ferðinni sem „niðurlægjandi“ og segir að hún, móðir hennar og önnur kona frá Khan Younis hafi verið yfirheyrðar af Ísraelum.
„Þeir leyfðu okkur ekki að taka neitt með okkur. Þeir tóku allt, jafnvel eigur barnanna minna. Við fengum aðeins að halda eftir fötum,“ sagði hún í samtali við AFP.
Rafah-landamærastöðin, sem er eina leið Gaza til umheimsins sem liggur ekki um Ísrael, hafði verið að mestu lokuð síðan ísraelskar hersveitir tóku hana yfir í maí 2024 í stríðinu við Hamas, þar sem þær frömdu þjóðarmorð á Palestínumönnum.
Al-Riqib segir að opnunin sýni að yfirvöld vilji ekki hleypa mörgum Palestínumönnum aftur inn á Gaza.
„Þeir vilja ekki að fólk snúi heim. Þeir vilja frekar að sem flestir fari,“ sagði hún.
