Úthlutun úr Lóu – styrkjum til nýsköpunarverkefna á landsbyggðinni 2025 hefur farið fram en greint frá því í tilkynningu frá stjórnarráðinu.
Samkvæmt tilkynningunni hljóta 21 verkefni styrk í ár fyrir alls tæplega 100 milljónir króna. Hlutverk Lóunnar er sem áður að styðja við nýsköpun, eflingu atvinnulífs og verðmætasköpun sem byggir á hugviti, þekkingu og nýrri færni á forsendum svæðanna sjálfra.
Áherslan í ár var á verkefni sem fela í sér hagnýtingu stafrænna lausna, þróun og nýtingu tæknilausna í heilbrigðismálum og verkefni sem stuðla að sjálfbærri nýtingu auðlinda eða afurða á nýskapandi hátt en 97 umsóknir bárust í sjóðinn í þetta skipti.
Meðal þeirra verkefna sem hljóta styrk í ár eru rannsóknir á nýtingu glatvarma til sniglaræktunar, þróun og smíði frumgerðar á handhægri skíðalyftu og hönnun á hugbúnaði sem auðveldar fjartónlistarkennslu.
