Vestfjarðakvikmynd Kvikmyndafélagsins Sögu var viðamikil landkynningar- og fræðslumynd um Vestfirði. Hún var framleidd í kringum 1948 af hinu sögufræga Kvikmyndafélagi Sögu hf.

Sören Sörensson, lyfsölustjóri og framkvæmdastjóri Kvikmyndafélagsins Sögu, annaðist gerð myndarinnar og eru tökur taldar hafa verið í höndum Kjartans Ó. Bjarnasonar og Guðlaugs Rósinkranz, fyrrum Þjóðleikhússtjóra.

Myndin var frumsýnd á aðalfundi Vestfirðingafélagsins í Reykjavík í apríl árið 1951. Kvikmyndin er alllöng og sýnir kaupstaði, sveitabæi, náttúru og menningarstofnanir víðs vegar um Vestfirði. Þar á meðal má sjá söguleg brot frá unglingaheimilinu í Breiðuvík, Núpi í Dýrafirði, Héraðsskólanum í Reykjanesi, Þingeyri og Kirkjubóli í Bjarnardal.

Kvikmyndafélagið Saga hf. var stofnað árið 1944 af hóp menntamanna og listamanna. Markmið þess var að framleiða vandaðar íslenskar menningar- og fræðslumyndir til landkynningar. Vestfjarðakvikmyndin var ein af fáum stórum afurðum sem félagið lauk gerð á áður en það hætti starfsemi. Varðveitt eintak af myndinni hefur verið sýnt á vegum Kvikmyndasafns Íslands.