Tveggja bíla árekstur varð á Sundlaugagavegi, nærri Kringlumýrarbraut um hálf níu í morgun.

Svo virðist sem bifreið hafi verið ekið í hlið annarrar bifreiðar við umferðarljós á Sundlaugavegi í Laugardalnum í morgun en þegar blaðamaður Mannlífs keyrði framhjá var sjúkrabíll á svæðinu sem og nokkrir lögreglumenn á mótorhjólum.

Logi Sigurjónsson, aðalvarðstjóri Umferðardeildar lögreglunnar á höfuðborgarsvæðinu sagðist í samtali við Mannlíf því miður ekki hafa neinar frekari upplýsingar um ástæðu árekstursins eða hvort slys hafi orðið á fólki.