Það helsta úr dagbók lögreglu frá frá því klukkan fimm í gær var að níu aðilar voru handteknir fyrir brot á lögreglusamþykkt fyrir Reykjavíkurborg, ýmist losaðir eftir skýrslutöku eða vistaðir sökum ástands.

Tilkynnt var um innbrot í hverfi 101 og kvartað var yfir hávaða en ekkert lát var á skemmtanahald í heimahúsum þar sem tilkynnt var um tónlistarhávaða um allan bæ. Þá voru þrír aðilar handteknir eftir líkamsárás.

Umferðalagabrotin voru nokkur, en fjórir aðilar voru stöðvaðir fyrir akstur undir áhrifum áfengis eða ávana- og eða fíkniefna, einn þeirra var ekki með ökuréttindi, fluttir á lögreglustöð í hefðbundið ferli, laus að því loknu. Þá voru nokkrir kærðir fyrir of hraðan akstur. Einn ók á 134 km/klst þar sem 80km/klst er hámarkshraði. Annar aðili ók á 112km/klst þar sem 80km/klst er hámarkshraði og einn var á 200 km/klst þar sem 80km/klst er hámarkshraði. Tveir aðilar stöðvaðir fyrir akstur undir áhrifum áfengis, annar þeirra var ekki með ökuréttindi. Þeir voru fluttir á lögreglustöð í hefðbundið ferli.