Tryggvi Gíslason, fyrrverandi skólameistari Menntaskólans á Akureyri, er látinn, tæplega 88 ára að aldri.

Greint er frá andláti hans í Morgunblaðinu.

Tryggvi fæddist á Norðfirði 11. júní 1938 en flutti sjö ára gamall til Akureyrar ásamt fjölskyldu sinni. Hann varð stúdent frá Menntaskólanum á Akureyri árið 1958 og lauk meistaraprófi í íslensku frá Háskóla Íslands árið 1968. Einnig stundaði hann framhaldsnám og kennslu erlendis, meðal annars í Noregi og Skotlandi.

Árið 1972 var Tryggvi skipaður skólameistari við Menntaskólann á Akureyri, aðeins 34 ára gamall. Hann gegndi embættinu í rúmlega þrjá áratugi, til ársins 2003.

Auk starfa sinna í menntamálum sinnti Tryggvi fjölbreyttum félags- og stjórnmálastörfum. Hann starfaði meðal annars sem fréttamaður hjá Ríkisútvarpinu, bæjarfulltrúi á Akureyri og deildarstjóri hjá Norrænu ráðherranefndinni í Kaupmannahöfn.

Tryggvi kvæntist Margréti Eggertsdóttur kennara árið 1959 og eignuðust þau sex börn