Mikil leit stendur nú yfir að tveggja ára dreng sem hvarf í Nyåker í sveitarfélaginu Nordmaling í Svíþjóð.

Drengurinn sást síðast við heimilisfang í Nyåker um klukkan tíu í morgun.

Lögregla segir hann vera með stutt dökkbrúnt hár og líklega klæddan appelsínugulum síðermabol með ljónamynd, gráum joggingbuxum og bláum strigaskóm.

Yfirvöld hafa hvatt alla sem kunna að hafa séð drenginn til að hafa tafarlaust samband við neyðarlínuna 112.

Leitaraðgerðin er umfangsmikil og taka meðal annars þátt lögregluþyrla, leitarhundar, björgunarsveitir og þyrla frá Sjöfartsverket.

„Leitin beinist fyrst og fremst að nærsvæðinu,“ sagði Maria Fredriksson, upplýsingafulltrúi lögreglunnar.

Þá hafa sjálfboðaliðar frá Missing People Sweden einnig skipulagt leit á svæðinu.