Lögreglan í New York handtók tvo einstaklinga í gær eftir að „grunsamleg tæki“ fundust nálægt heimili borgarstjórans í New York-borgar

Talsmaður lögreglunar staðfesti í yfirlýsingu að tækin hefðu fundist í nágrenni við heimili borgarstjórans á meðan mótmæli stóðu yfir gegn íslam. Mótmælin voru skipulögð af íhaldssama áhrifavaldinum Jake Lang.

Ljósmyndir frá vettvangi sýna að eitt tækjanna var egglaga í laginu og vafið silfurlituðu límbandi. Á öðrum myndum má sjá einstakling halda á hlut sem gaf frá sér reyk áður en honum var að sögn kastað í átt að lögreglumönnum.

Myndir og myndbönd sem tekin voru á staðnum sýna einnig sama einstakling handtekinn af lögreglu.

Óljóst er hvort borgarstjórinn Zohran Mamdani eða eiginkona hans hafi verið heima þegar atvikið átti sér stað. Samkvæmt lögreglu urðu engin meiðsli í tengslum við málið.

Mamdani er fyrsti múslimski borgarstjóri New York-borgar og hefur orðið fyrir gagnrýni og fordómum síðan hann tilkynnti framboð sitt til embættisins á síðasta ári. Fyrr í vikunni bað útvarpsmaðurinn Sid Rosenberg opinberlega afsökunar eftir að hafa látið falla umdeild ummæli um borgarstjórann.

Rannsókn málsins stendur enn yfir.