Ekki var mikið a frétt hjá lögreglu í dagbók hennar í nótt en þó var eitt nokkuð athyglisvert mál í dagbók hennar.
Lögreglan var með ölvunarpóst á Bústaðarvegi en þar voru þrír ökumenn handteknir grunaðir um akstur undir áhrifum áfengis eða vímuefna. Einn ökumannanna reyndi að aka á brott af vettvangi og ók m.a. á móti umferð. Sá var stöðvaður eftir stutta eftirför og handtekinn.
Tilkynnt var um einstaklinga að hegða sér undarlega. Lögreglan fór á staðinn en þar var aðili sem var ekki í ástandi til að sjá um sig vegna ölvunar- eða vímuefnaneyslu. Honum boðið að gista í fangaklefa þangað til hann væri betur staddur sem hann þáði.
Talsvert var um minniháttar mál í miðbænum vegna ölvunar.
Þá var lögreglan kölluð til vegna þjófnaðar í þremur verslunum. Öll málin voru leyst með skýrslutöku á vettvangi.
Lögreglan hafði sömuleiðis afskipti af einstaklingum á bíl þar sem bíllinn hafði verið tilkynntur stolinn. Þjófarnir handteknir en þeir voru einnig undir áhrifum fíkniefna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir