Aðeins tveir einstaklingar sváfu í fangaklefum lögreglunnar á höfuðborgarrsvæðinu í nótt.
Lögregla var kölluð til vegna búðarþjófs í verslun. Málið leyst með vettvangsskýrslu.
Þjófur lét greipar sópa á hóteli í borginni. Hann var svo óheppinn að myndir náðust af honum á öryggismyndavélar. Lögregla hefur upptökurnar undir höndum og miðar rannsókn málsins vel.
Þrír ökumenn voru stöðvaðir í akstri grunaðir um akstur undir áhrifum ávana- og fíkniefna eða ölvunarakstur. Allir lausir eftir að blóð var dregið úr þeim og sent til rannsóknar.
Ökumaður var stöðvaður í akstri á stolinni bifreið. Hann er einnig grunaður um akstur undir áhrifum vímuefna og akstur án réttinda. Farþegi í bifreiðinni var einnig handtekinn vegna málsins. Ökumaður og farþegi voru báðir vistaðir í þágu rannsóknar málsins. Með nýjum degi munu þeir svara til saka.
Hafnarfjarðarlögregla stöðvaði ökumann sem reyndist vera réttindalaus. Hann er grunaður um akstur undir áhrifum ávana- og fíkniefna. Ökumaðurinn var látinn laus eftir hefðbundið ferli.
Ökumaður var stöðvaður þar sem hann var að tala í farsíma við akstur. Í ljós kom að sá málglaði hafði ekki réttindi til að aka bifreið. Málið var afgreitt með vettvangsskýrslu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir