Lögreglan á höfuðborgarsvæðinu sinnti ýmsum málum í gærkvöldi og nótt. Þar á meðal voru umferðarlagabrot, þjófnaður, eignaspjöll og brot á vopnalögum. Þetta kemur fram í dagbók lögreglunnar.
Ökumaður ók á grindverk í Garðabæ og fór af vettvangi án þess að tilkynna slysið. Lögregla rannsakar málið. Henni barst einnig tilkynning um eignaspjöll í sama hverfi.
Tilkynnt var um þjófnað í matvöruverslun í Reykjavík. Lögregla kærði einstakling fyrir brot á vopnalögum og fór með hann á lögreglustöð til yfirheyrslu. Honum var sleppt að henni lokinni.
Lögregla stöðvaði nokkra ökumenn vegna gruns um umferðarlagabrot. Einn þeirra var handtekinn, grunaður um akstur undir áhrifum fíkniefna. Hann var færður á lögreglustöð, þar sem málið var afgreitt með venjulegum hætti.
Annar ökumaður var kærður fyrir akstur undir áhrifum fíkniefna. Hann var einnig kærður fyrir að neita að fara í öndunarpróf og fyrir fleiri umferðarlagabrot. Honum var sleppt þegar lögregla hafði afgreitt málið.
Ökumaður var einnig kærður fyrir að aka án gildra ökuréttinda. Fleiri ökumenn voru kærðir fyrir ýmis umferðarlagabrot.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir