Óhapp varð þegar kennsluflugvél kom inn til lendingar á Reykjavíkurflugvelli. Var önnur flugbrautin lokuð á meðan rannsókn stóð yfir.
Samkvæmt RÚV hlekktist kennsluflugvél á í lendingu á Reykjavíkurflugvelli í dag. Engin meiðsl urðu á fólki en nokkrar tafir urðu á flugi um flugvöllinn á meðan rannsóknarnefnd samgönguslysa kannaði vettvanginn. Af þeim sökum var önnur flugbrautin lokuð á meðan.
Búið er að skoða vettvanginn þar sem flugvélin fór út af flugbrautinni að sögn Ragnars Guðmundssonar, á flugsviði rannsóknarnefndar samgönguslya. Hins vegar sé rannsóknin aðeins rétt að byrja og því ekki hægt að gefa frekari upplýsingar um máið.
Mbl.is greindi fyrst frá óhappinu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir